فرض کی ادائیگی کے بعد سجدۂ شکر کا مفہوم
امام علی رضاؑ کی ایک حدیث کی روشنی میں
حدیث کا متن:
علی بن حسن فضال نے امام علی رضاؑ سے نقل کیا کہ امامؑ نے فرمایا:
“فرض کی ادائیگی کے بعد خدا کے شکر کے طور پر سجدہ کیا جاتا ہے کہ اس نے ایک کم مایہ بندے کو اپنے فرض کی ادائیگی کی توفیق عطا کی۔ اس میں کم سے کم جس مقدار کو کافی سمجھتا جا سکتا ہے وہ تین مرتبہ شُکراً لِلّٰہ کہنا ہے۔”
سجدۂ شکر کا مطلب اور مقصد
راوی کہتا ہے کہ میں نے پوچھا، “اس کا معنی کیا ہے؟”
امامؑ نے فرمایا:
“انسان کے یہ کلمات کہنے کا مقصد یہ ہوتا ہے کہ میں سجدہ خدا کے شکر کے طور پر کر رہا ہوں کہ اس نے مجھے اپنی خدمت اور فرض ادا کرنے کی توفیق عنایت کی۔”
سجدۂ شکر کی حکمت
امامؑ نے مزید فرمایا:
“شکر ادا کرنا نعمت میں اضافے کا سبب ہوتا ہے۔ اس لیے اگر نماز میں کوئی کمی رہ جائے تو وہ اس سجدہ کے ساتھ پوری ہو جاتی ہے۔”
